يا الاطــرم اعطيني مــزاج ٍ صـافي
ابـعـد عـن همومي و عـددهـم سـتـه
أعـــدهــا يـا اخـــوي عــــد ٍ وافــي
يـالـيـت اعـالجـها بـدواء لـو طـفـتـه
الـخـوف مــن ربي العـظـيـم الكافـي
رجـاهـ مـا يـنـقـص علي ان خـفـتـه
ازداد في حـبـه . . ذلـيـل و حـــافـي
امشي طريق الشـوك ابـد مـاعـفــتـه
و ابغى اتـوكل و اسـتـعـيـن بـشــافي
والغوث و العـوذه بصمدْ مـا شـفــتـه
الـواحـد المعـبود و عـدلـه انــصـافي
الخـيـر فـي يـمـنـاهـ و شـري ضفـته
النفس و الشيطان ، (هواي اجحافي)
حـب النـسـا و الـمـال و ذنبٍ حـفـتـه
هـذي هـمـومي يــا رفـيـقـي الـوافي
دقـت مـزاجي و اجـزلت في رفـتـه
لا مـن صفى جـوي نظمت الضافي
الـشـعـر لا شـافـه دعـاهـ : البـفـتـه
يـشـوفـها الاعـمى بـنـظـره الطافي
و يـعـدها مـن هــو بـلاهـ بـصمتـه
لكن بـلاي ابغى الـعـلاج الــــدافي
اعطيني مـن وقتك ولـو هي لـفـتـه
اسـتـغـفـر الله كثر : رمــل السـافي
ابغى خـراجي مـن هـمـومي السته
حاتم منصور
ليست هناك تعليقات:
إرسال تعليق