مليـت مـن كثـر التعـب والمشاويـر
مليـت مـن قولـة يجـي مــا يجيـنـي
مليـت مـن كثـر السهـر والتفاكـيـر
حتـى قصيـدي هـلّ دمـعـة سنيـنـي
أحيـان أحـس إنـي برفقـة معاسـيـر
وأحيان أحس المـوت ماسـك يدينـي
ما لاح لـي فـرح ٍ ولا بالمسـا غيـر
صوت الآسى إللي ماكن ٍ في حنيني
الليـل لـك يسمـع بقلبـي .. معـاذيـر
والصبح وجدي يحرقـه فـي جبينـي
إحسـاس يفـنـى وأنتـظـر للتباشـيـر
وأحـلام تكبـر .. لكـن البعـد فيـنـي
وقالت ظنونـي للقصايـد عسـا خيـر
لقيـت حرفـي دمعتـه وسـط عيـنـي
تعلقت روحـي علـى أقسـى مقاديـر
وأستسلمـت نفـسـي لـهــم يحديـنـي
فـي وحدتـي غابـت جميـع التعابيـر
وما يصرخ إلا شوق مسكت يمينـي
نسيـت عقـلـي وإنتخـيـت المدابـيـر
لقيت صوتي صاح بـي يا(عوينـي)
أعلنـت لـك لآخـر حيـاتـي منـاذيـر
ما أنساك أنا أحبك عسـى تحتوينـي
سفير الحسن
ليست هناك تعليقات:
إرسال تعليق