جتني تــســـأل وفــاها لاح وابرق مخيله
............ يــــوم شــفــت الــوفا راحل وخلا سماها
رحت عنها و قـــالت كيف تنسى الخليله
............ شــفــت هذي الفضية ضايقٍ بي فضاها
كان نبضي بـقـلـب البـعــض بـاقي دليله
............ وإلا بعض البشر درب الرديـــــه وطاها
قلت ابـبـقى لجل عــين الهنوف الجميله
............ تستحق إني أبقى دايــــــــــم ٍ في هواها
واحتمي عندهـــــــــا فارس يحطّم قبيله
............ واخـسـر العـالــم اجـمع لكن ابقى معاها
اخـتـصـــر عــمــري القـادم معاها بليله
............ والفظ انفاسي الثكلى بنسمة شــــــــذاها
و اقضي النحب نور ٍ عـم جـوف الفتيله
............ يكفي الموت ياخذني ولا اعشق سواها !
سفير الحسن
ليست هناك تعليقات:
إرسال تعليق