(فــــكـــــرهـ) ... تفعيلة

فكره

أو تعالي نجرب الأفكار !!

بس خايف

ان قلتها بأنلآم

أو تلعب بك الآوهام

تصدق

طعم هالأشواق

حلو و مر

نجرب لسعة الأشواق ؟؟

نجرب طعمها و نبعد

يقولوا من الحلى أحلى

و أنا ودي أذوق المر

تجي نبعد عشر خطوات

تجي نغلط

أعد و أنا واقف

وتعد لك تسعه

و إذا اللسعه علينا أقوى

أجي كلي

أعانق روحي و اللحظه

من أولها أنحسب عمري

أنا عمري ابتدا بشوفك

و أنكتب لي عمر

وإذا ها الناس تسألني

كم عمري ؟

أنا عمري

ثلاث شهور

،

، 

فكره

أو تعالي نجرب الأفكار !!

أبنسى عمري اللي فات من دونك

ابكتب عمر اعيشه فيك بوجودك

اعيش ايام بأحساسك

و بحساسي تعيش اعوام

أنا رهنك

أنا عمرك

أنا أحساسك

أنا كل شي في ذاتك

وإذا ناوي تجربها

تعال و جرب الافكار

،

،

فكره

أو تعالي نجرب الأفكار !!

نلعب

نكتب نخربش

على جدار الهوى

و أنسى الهوى

و أبدأ أغنيلش هلا بش

لا

أنا ودي أغني لك

مشتاق أنا مشتاق و تلعبي الأشواق

تحب أكتب وأغني لك

اغاني كنها

لونك

حلاتك

ذوق مجنونك

و أغنيها بمقام الشوق

و اعزف و الوله أوتار

و نجمع كيد للعذال

و كل حاجز هنا ينزال

تعيش بعالم جنوني

وأعيش العمر مجنونك

،

،


فكره

أو تعالي نجرب الأفكار !!

اتنفسك

اتذوقك

اتجسدك

اعيش بس بلذتك

احضن معاك مخدتك

وارسم شفاتي بجبهتك

واهمس تشوف مرايتك

اعيش بس لمحبتك

والفكره والله فكرتك

أفكار من فكره

تعالي نجرب الأفكار !!

سفير الحسن